Page 281 - SİNCAN TARİH VE KÜLTÜR ATLASI

den acınacak bir sefâlet içinde bulunup zirâ‘atin teshîl ve tevsî‘i ve zürrâ‘ın
terfîh ve ikdârı maksadıyla âlât ve edevât-ı cedide-i zirâ‘iyeye ne dereceye
kadar rağbet gösterecekleri anlaşılmak üzere suver-i münâsibe ile fikirleri
istihrâc edilmiş ve ifâdât-ı vâkı‘aya göre âlât ve edevât-ı mezkûrenin el-yevm
isti‘mâl etmekde bulundukları âlât-ı zirâ‘iyeye ez-her cihet müreccah oldu-
ğunu tasdîk etmekle berâber bunları ahz ve isti‘mâle pek ziyâde rağbet gös-
terdikleri ve ancak sâ’ika-i fakr u zarûretle âlât ve edevât-ı mezkûreyi mü-
bâya‘a etmelerine imkân bulunmadığından bedelleri mukassıtan verilmek
veyahud aynen i‘tâ etmek sûretiyle tedârike âmâde bulundukları ve bir de
zürrâ‘ın en ziyâde işlerine yarayacak olan pullukların el-yevm umûr-ı zirâ‘i-
yede istihdâm etmekde oldukları za‘îf ve nâ-tuvân hayvanlarla cebr ve tah-
rîki kâbil olamayıp dinç ve kuvvetli çift hayvanâtı yetiştirilmesine lüzûm-ı
kat‘î olduğu anlaşılmış ve çift hayvanatının ıslâhı cinsi içün vilâyetçe mev-
cûd boğaların teksîr-i a‘dâdı esbâbına tevessül edilmiş olduğundan Ziraat
Bankaları dahi sâlifü’l-arz tahrîrât mü’eddâsına tevfîk-i mu‘âmele eyleyecek
ve binâenaleyh bu memleket ahâlîsinin öteden beri i‘tiyâd etmiş oldukla-
rı usûlü bir sûret-i meşru‘ada îfâ edecek olur ise âlât ve edevât-ı zirâ‘iyenin
de köylünün talebi dâiresinde ihzârı esbâbına muvaffâkiyet el vereceğine
i‘timâd ve ana göre bu işe lâyık olduğu derecede atf-ı nazar-ı himmet buyu-
rulması ricâ olunur.
….

Turuk ve Meâbir (Yollar ve geçilecek yerler, köprüler): Ankara Kasabası
civarından bed’ ile Zîr nâhiyesi merkezine mukaddemâ tahdîd edilmiş olan
şose tarîkinin bidâyet-i inşâsından beri lâyıkıyla ta‘mîr görmemesinden ci-
het cihet harâb olarak Ankara’dan o taraflara yâhûd oralardan Ankara’ya
gelip giden yolcuların ale’l-ekseri âdi bir tarîk ta‘kîb ettikleri bi’t-tahkîk an-
laşılmışdır. Mezkûr şosenin Ayaş kazâsı merkezine mümted (uzanan, gi-
den) kısmının Zîr nâhiyesi merkezi olan İstanos kasabası civarından geçen
bir kilometrelik mahallinden mukaddemâ ihâleten icrâsına başlanılan bir
köprü inşâ’âtı hitâm bulmuş ve taş ve kum ferşiyâtı ameliyâtının da bu sene
mevsim-i inşâ’âtı gâyesinde ikmâli me’mûl olup bu husûsda müte‘ahhidine
teblîgât-ı lâzıme dahi îfâ edilmişdir (Bu ifadeye göre Zîr Köprüsü, 1912-1913
yıllarında yapılmıştır). İstanos’dan Ayaş kasabasına gitmek içün mücerred
bu şoseyi ta‘kîben ve ber-vech-i muharrer inşâ’ât ve ameliyât mahallinden
i‘tibâren bi’t-tedrîc bin sekiz yüz metre irtifâ‘ında (Ayaşbeli) denilen bir dağ
tepesine su‘ûd ve oradan tekrâr bi’t-tedrîc nüzûl edilerek Ayaş’a muvâsalat
olunur (ulaşıır). Mezkûr şosenin bu kısmı dahi kezâlik bidâyet-i inşâsından
şimdiye kadar esâslı bir ta‘mir görmediğinden ekser mahalleri bozulmuş
ve meyilleri gâyet ve pek olmakla berâber irtifâ‘ı hasebiyle mevsim-i şitâda
(kış mevsiminde) karla kapanarak mürûr u ubûrun geçme bir hayli müddet
düçâr-ı inkıtâ‘ olduğu (yolun kapandığı) anlaşılmışdır. Ayaş kasabasının İs-
tanbul ve Ankara nakliyâtı ale’l-umûm Eskişehir-Ankara hattının Sincan-
265