Page 282 - SİNCAN TARİH VE KÜLTÜR ATLASI

İstanos (Zîr) kasabasından, 1937 (Cambridge Digital Library)

köy İstasyonu vâsıtasıyla vukû‘ bulup halbuki esbâb-ı meşrûhadan dolayı
kış mevsimlerinde (Ayaşbeli’nin) karla kapanması işbu nakliyâtı dahi bi’t-
tab‘ sekteye uğratmakda olduğundan ve Ayaş kasabasından bed’ ile Karako-
yunlu tarîkiyle (yoluyla) Maliköy İstasyonu’na bir şose küşâd edildiği sûret-
de gerek İstanbul-Ankara yolcularının Ayaş’a gelip gitmekde gerek tüccâr
vesâirenin nakliyâtda hem daha kısa hem de kış mevsimlerinde mürûr u
ubûru sektedâr edecek ârızalardan ârî bir yol ta‘kîb ederek cidden mazhar-ı
teshîlât olabileceği gibi sevkiyât-ı askeriyede dahi hazînece Sincanköyü
sevkiyâtına nisbetle nefer başına altı guruş râddesinde bir tasarruf vukû‘
bulacağı ve ale’lhusûs mu‘âmelât-ı ticâriyesi emsâli miyânında cidden
hâ’iz-i ehemmiyet olan Beypazarı kasabasının başlıca vâsıta-i nakliyâtı
olan Sarıköy İstasyonu’nun kasaba-i mezkûreye on sekiz va Maliköy’üne on
bir sâat mesâfede bulunması hasebiyle Beypazarı nakliyâtının da bu tarîk
ile icrâsı tabî‘i bulunduğu bi’t-tahkîk anlaşıldığından tarîk-i mezkûrun bir
an evvel küşâdı lâbüdd ve lâzımdır.
*
Zîr Nâhiyesi merkez belediyesinin vâridât-ı seneviyesi takrîben beş
bin guruşdan ibâret olup bundan şehrî (aylık) yüz elli guruş belediye
re’isine yüz guruş aşı me’mûruna, yüz yirmi guruş da belediye kitâbet
ve çavuşluğu vazîfelerini îfâ eden birine verildiği anlaşılmış ve bu cihet
başkaca tedkîk olunarak tebeyyün edecek hâle göre îfâ-yı îcâbı derdest
bulunmuşdur.
Zîr Nâhiyesi merkezi olan İstanos kasabası bir dere içinde kâin olup
mezkûr dere içinde cereyân eden suya mecrâların yerleştirilmesi ve mü-
266