Page 283 - SİNCAN TARİH VE KÜLTÜR ATLASI

levvesât-ı sâire atılması hasebiyle hevâsı kesb-i vehâmet ederek sıtma
hastalığı maraz-ı beledî hâlini almışdır. Kasabada mevcûd dükkânların
nısfından fazlası kapalı ve açık bulunanların da cüz’î mikdâr bir takım
âdi eşyâ ve emti‘ayı muhtevî bulunmasına göre ahâlî-i mahalliyenin ticâ-
retle gayr-ı me’lûf olduğu ve binâenaleyh hayât-ı umûmiyenin pek derîn
bir atâlet ve kesâlet içinde cereyân ettiği vehle-i ûlâda nazar-ı dikkate
çarpmakdadır. Kasabada takrîben elli aded sof ve şâlî destgâhı mevcûd-
dur. Pek ibtidâî bir şekil ve tertîbde bulunan ve hânelerin birer köşesine
sıkıştırılan bu destgâhların her birinde taleb vukû‘ bulur ise senevî otuz
top kadar sof veya şâlî dokunabileceği ve her topun otuz üç arşun tûl ve
bir arşun arzında ve bir top sekiz nihâyet on gün zarfında dokunabilip top
başına kırk ilâ elli guruş bir ücret-i nesciye alındığına göre bu destgâhlar-
da çalışan umûmiyetle Ermeni olan kesânın yevmiyesi dört buçuk beş
guruşu tecâvüz etmemekde olduğu anlaşılmışdır.
*

Vilâyet Jandarma Alayı içün âhiren tensîkan tanzîm edilen kadroya
göre Zîr nâhiyesi merkezi Ankara Jandarma Bölüğüne mensûb takım hâ-
linde bulunmak ve mecmû‘ kuvveti yirmi sekiz piyâde ve dört süvârî ol-
mak lâzım gelirken hâlen sekiz süvârî iki piyâde [dir].
*

Zîr nâhiyesi müdürünün beş altı aydan beri berây-ı tedâvî me’zûn
bulunarak vekâletle idâre edilen vazîfesinin vekîlin dahi ara sıra mas-
lahaten karyelere azîmeti hasebiyle Ermeni olan nâhiye tahrîrât kâtibi-
nin yed-i idâresinde kaldığı anlaşılmış ve halbuki kasaba-i mezkûredeki
Ermeni nüfûsun adedine ve mûmâ-ileyhin her gûn mu‘âmelâtla berâber
mahremâne teblîgâta dahi hasbe’l-vazîfe husûl-i ıttılâ‘ı tabî‘î bulunma-
sına nazaran me’muriyet-i mezkûrede bekâsı idâreten mahzûrdan sâlim
görülemeyerek tebdîli esbâbına tevessül olunmuşdur... Fî 20 Zilka‘de 1331
ve fî 8 Teşrînievvel sene 1329 (21 Ekim 1913).

1913 yılında inşa edilen Zîr Köprüsü, Sincan, 2021

267